駕到沖繩 - 第6日：南城市

喺名護Super Hotel住咗一晚，今日要返那霸了。尋日經過「道の駅許田」趕時間冇行，所以回程時專登再入去。

各式沖繩特產、手信都有得賣，價錢仲平出面少少。

隔離有個小型市場賣水果同蔬菜等。

對面海就喺名護市。

Shopping完繼續上路，由許田IC剷上「沖縄自動車道」。高速公路全程雙線行車，路直又靚，可惜最高車速只得80km/h咁大把！

時間尚早，回那霸的車唔多，慢線不時會出現「修路工人」。

四十五分鐘左右，已經到達「西原JCT料金所」。原來過路費已經跟消費稅上調，可是GPS還是顯示舊價錢，又一次被老點！呢個時候我先發現後座乘客已全訓，證明我手車幾定。

離開高速公路再開多二十多分鐘，終於到達目的地「斎場御嶽」嘅售票處。

左上：買咗飛仲要行多500米路程上山。
右上、左下：沿路有好幾座特色建築物。
右下：真正入口前的停車場，為免影響當地居民，現已停用。

「斎場御嶽」真正入口，入去後要先睇一睇介紹影片。

二戰時，由軍艦做成的砲彈窿。

拝所

三庫理

久高島遥拝所

斎場御嶽不大，好快就可以走完一圈。離開的時候，我們下山問工作人員，她准許我們將車駛上山接另外的友人們，這樣她們就不用走下山了。

之後就直接開車到附近的知念岬，好好彩等了一會已有一個位可以泊車。

知念岬公園

久高島方向

遠處海上的就喺「久高島」。

涯下美麗的珊瑚礁

一點零鐘，開車到十分鐘車程外的「浜辺の茶屋」食Lunch。

在門外等位前時可選擇座位類型，如店内窓席、店内テーブル、浜辺の席、木陰の席、屋上席（下圖）。

等嘢食的時間落沙灘行吓，可以看見整間茶屋。

左上：我哋坐的窗邊位
右上：法國多士
左下：三文治
右下：蕃茄羅勒薄餅

食完午餐，再到附近的「文化王国・玉泉洞」。

之前冇諗過玉泉洞咁大，結果要用成半個鐘頭有多才走完。

捐完山窿出來，見到Blue Seal有Blue Wave Splash期間限定口味雪榚，藍色雪榚咁特別，梗喺要買來試試消消暑喇。

園內還有一些琉球屋，裡面有不同主題，如傳統工藝工房，這家就是「王國歷史博物館」。

離開玉泉洞，就到期待已久的Outlet Mall ASHIBINAA！玩咗六日，繞了個大圈，我哋又返番嚟起點，因為OTS就在Outlet隔離的說。

Outlet的有蓋停車場

agnès b內所有貨品也是半價，當然是舊款來的，我買了一個銀包連稅才六千円，很抵的說！除此之外，手袋、飾物也是友人們搶購的目標。

買到大包細包返車，是時候去吃晚飯。揸回市中心途中，見到有Esso油站，諗住入去加油。第一次自助加油，想請教店員一下，但他又不理，最後無入走人！

友人要先到小禄的Aeon那霸店「巡舖」，之後才到隔離街的「通堂」吃拉麵（左上）。我哋坐吧枱，睇住佢喺前面炒飯（右上）。我貪心啲要「炒飯套餐」（左下），一次食晒兩樣鎮店之寶。雖然炒飯同拉麵都喺迷你版，畀740円就食到飽到上心口，好食又抵食！至於餃子（右下）大家都一致覺得麻麻地。

返到酒店已十一點幾，最後兩晚我哋住旭橋站旁的Double Tree by Hilton Naha。
左上：酒店大堂
右上：酒店送每人一塊手掌咁大的酒店製曲奇餅，幾好食。
左下：我哋的房間
右下：房內的浴室