駕到沖繩 - 第7日：那覇市

來到旅程的尾聲，今日主要留喺那霸市。喺酒店食完自助早餐，就出車去不遠的波上宮。波上宮喺唔可以泊車的，所以就泊喺隔離嘅「若狭海浜公園駐車場」。

落車後，行過「波の上ビーチ（沙灘）」，遠處崖上的就喺「波上宮」。

波上宮的鳥居

入神社前洗洗手

啱啱有一對新人舉行日本傳統的結婚儀式

儀式舉行其間，其他人只可遠觀，不可以接近。成個鐘後，儀式終於完成。

我哋之後都離開去「国際通り」，隨便駛入其中一個有入無出的「曱甴屋」停車場。比起沖繩其他地方，国際通熱鬧好多。

落車後就到位於「ドン・キホーテ」驚安殿堂旁邊「市場本通り」的「第一牧志公設市場」。

市場內賣乾貨、手信的店舖

另一邊就賣海鮮。海鮮價錢一點也不便宜，但一場來到，買咗啲蟹、蝦、貝，盛惠七千円。

店員帶我哋上二樓的食店，代煮海鮮，加工費二千円。

後：夜光貝生炒兩食，炒比較好食，生就唔多掂，最後還食剩添。
前：燒蝦、炒麵、炒飯不錯，炒飯麵六、七百円一碟，價錢合理。

沖繩縣產的朝日蟹，殼多肉少，好睇唔好食。

食完有點掠水感覺的一餐，在国際通閒逛一會。

Calbee專賣店

一點零返去攞車，我哋先發覺中招，泊咗兩個鐘頭左右已經收好幾千円，怪不得這個「曱甴屋」停車場長期有車位可泊喇！

一陣將會還車，先到IDEMITSU油站加滿油，入咗八千円共50升油，看來日本油價也不比台灣貴。

話說今天有一個特別安排，就喺到Piednue Cake Cafe賀一賀朋人牛一。

門口的蛋糕櫃

店內的一角

我們點的蛋榚

食完蛋榚，將車駛到最後的目的地，位於DFS Galleria免稅店內的OTS還車。

職員轉一圈，望一望架車無穿無爛就OK。

再走上DFS內的OTS櫃位簽返文件，之後就在商場逛逛。

逛完DFS，友人又要到隔隣的商場「巡舖」。

友人巡完熊舖，又搭單軌轉到「県庁前」的RYUBO買L字頭煲。

單軌的售價機

RYUBO百貨公司

RYUBO對面的那覇市役所，起得又幾靚喎。

友人shopping完，再到国際通的「守礼」食石垣牛同Agu豬！

這餐石垣牛雖然並不便宜，但又真喺幾好食的。

食完晚餐，大家就在国際通自由活動。友人買完一輪手信後，當走入驚安殿堂後才發覺同一手信在這裡便宜得多。此外，驚安還有美顏機，賣千多元港幣，比香港便宜得多，結果我哋逛到凌晨時分才捨得返酒店！

国際通上得店舖幾乎全關。

行到返酒店已經成一點鐘，早抖。