駕到沖繩 - 第5日：美ら海水族館

ANA嘅早餐喺有得揀嘅，除咗自助餐，仲有和食等，但我哋都喺去返尋日間餐廳食自助餐。食完早餐，就出發去名護嘅「沖縄美ら海水族館」。

中途要停一停「道の駅許田」買水族館入場券，但原來唔喺平巧多的，買完就繼續北上。

過咗名護市，條路開始沙塵滾滾，一路揸一路見到好多泥頭車，真喺以為自己去梗龍鼓灘！

揸咗成個幾鐘，山長水遠終於嚟到水族館啦！記住好似我哋咁泊喺最入面嘅「P7立体駐車場（左上）」，停車場最近水族館入口之餘又唔怕晒親架車。

成十一點，時間無多gogogo！

珊瑚之海

沖繩海底的「蟲仔」，得銀色同黃白間條兩種。

「黒潮の海」嘅鎮館之寶「三條大鯨鯊」。

搭lift上一層到「黒潮探検」，可以喺上面望返落「黒潮の海」。池裡面啲水全部由沖繩嘅海抽入嚟，用完泵返出去，夠晒環保。

鯊魚館

講真，水族館及唔上新加坡嘅S.E.A. Aquarium，但勝在有三條大鯨鯊同夠環保！睇完之後就上返去入口隔離嘅餐廳（右上）醫肚。

「イノー」餐廳午餐buffet千五円一位，啲嘢食好普通，似跟團食果啲。

但餐廳個景就唔錯

食完飯，海牛館、海龜館、海豚表演都無時間睇，又要去下一個景點。

今帰仁城・券売所，蓋埋呢個「No.98今帰仁城」印，沖縄制覇！

今帰仁城跡

城跡入口

沿路兩邊的「寒緋桜」，櫻花季節時應該幾靚。

行完一排樓梯，上到在城上。

城內的神社

城後另一面的建築物遺址

攻完城，發現城外有一家賣現製「さーたーゆー（黒糖液）」的店舖，老闆慷慨請一大杯畀我哋試飲。濃縮蔗汁非常真材實料，一支成舊磚咁重，認真誇張！

離開城跡，開車回名護附近的菠蘿園。

一場來到，就喺為咗坐吓呢架「菠蘿車」。

園內真喺無咩睇，你睇吓啲菠蘿幾奀。

一陣間就兜完，出返出最實際食返杯菠蘿味軟雪榚。

坐完菠蘿車，再到附近的苦瓜樂園。

沖繩苦瓜

我就鍾意苦瓜樂園多過菠蘿園，起碼有啲特色苦瓜食品可買，雖然價錢一啲都唔平，但我哋都買咗唔少。

本來諗住去附近一間「大家」餐廳食豚料理，但又要趕去酒店check-in，只好過路而不入，我嘅沖繩黑豚呀。

名護Super Hotel單人房

窗外的咸蛋黃

Check-in好酒店，就再出車到附近的Aeon名護店，不過有人兜咗個大圈的說。

「わだや　和食．琉球料理」的「豆腐チャンプルー」定食

食過晚飯，行完吉豬島，回酒店途中再去「ヤマダ電機」，買傳說中的美顏機，點知呢到一啲都唔平，返香港買好過！

返到酒店，攞返杯Blue Seal雪糕才上房，因為喺呢間名護Super Hotel送的。