駕到沖繩 - 第4日：Hea在ANA的一天

今日陽光普照，去玩水就啱晒。ANA InterContinental酒店除咗有私家泳池

仲有私家海灘「万座ビーチ」（左面），對面是萬座毛。

酒店地下有個小型朝市，等位食早餐時可以行吓，有唔少地道特產賣。

左上：Aqua Belle餐廳 　　　　　　　　　　　　右上：熱葷
左中：和食　　　　　　　　　　　　　　　　　右中：各式麵包，配沖繩特產紅芋、菠蘿果醬
左下：新鮮水果、沙律　　　　　　　　　　　　右下：有我最鍾意嘅沖繩苦瓜、生食仲正

食完早餐，去問水上活動詳情，可是我哋太晏，上午嘅團已全部出去，12點至1點又是午飯時間，最後只好預約下午的活動。

無得玩水，改去十分鐘車程、酒店對面的萬座毛。

停車場兩邊的手信攤位

入口

万座毛

對面就喺我哋嘅酒店

沖繩海水清澈見底

夠成萬人碌嘅大草坪

返到酒店，仲有啲時間，順便去睇吓酒店內的Aqualuce Chapel教堂。

咁啱又撞到友人的朋友影結婚相

傳說中的玻璃教堂

夠鐘返房換衫，落大堂就有巴士車我哋去沙灘。

呢間小屋就喺沙灘上的接待處，我哋的4200円套餐每人可以玩兩樣嘢，我先玩水上電單車（10分鐘），另一些友人就玩浮潛（60分鐘）。

餘下的一項就選租借自選設施（如獨木舟、水上單車等，60分鐘）。原來獨木舟一啲都唔難玩，就連我呢隻唔濕水嘅貓，都可以扒到出去睇珊瑚就知啦。

沙灘上其實仲有好多嘢玩（如水上滑梯、障礙賽等），可以消磨大半日，可惜之後仲要去海中展望塔，無緣一玩。

去展望塔前本想去「あげパン工房アントシモ」食名物炸麵包，等GPS搵極都搵唔到，只好放棄，直接到「ブセナ海中公園」。

公園內的穿梭巴士

我哋先搭尾二的一班「玻璃底遊艇」出海睇魚仔，但呢班船超多人的說。

之後再去「海中展望塔」（下圖是在船上影的）。

魚樂無窮

海中展望塔

越行出去，海上的浪越大。

到入口了

望回去，離岸都幾遠喎。

行樓梯轉落3米深的海底

海水勁清，珊瑚多，魚仲多，好睇過水族館。

睇吓影吓，搞到6點人哋收工先捨得走。結果連穿梭巴士都走埋，唯有沿路行返出去停車場。

回酒店途中經過沖繩鉅記「御菓子御殿（恩納村店）」，又喺試食兼掃貨時間。

買完嘢，要去醫肚，回去前再到「なかむらそば」食晚餐。

必食名物「海藻麵」，我發覺沖繩人真喺好鍾意食豬腩肉，餐餐都會有咁濟，不過老實講，舊肉肥得嚟又唔油，喺幾好食的。

今晚是最後一晚在ANA，回到酒店後到地下的店舖，買些酒店限定手信，如人気No.1的Original Financier（1620円）（右下角）。

回到房間不久，床邊的電話突然響起，有人問我是不是忘了取手提電話，才醒起原來我將車交給職員代泊時，忘了攞走放在車門邊的手提電話，她們真好人，已暫時替我保管著電話，我只要到接待處就可取回了，本当にありがとうございました！