駕到沖繩 - 第3日：読谷村

來去匆匆，早餐食尋晚喺吉豬島買嘅麵包，就check-out攞車出發，都無咩時間認真行吓美國村。

第一站「道の駅かでな」

上頂樓的展望台，可以「近」距離見到米軍嘉手納空軍基地。短短十零分鐘已經有F18戰鬥機、波音KC-135空中加油機升降，仲有電視台影添。我得支廣角鏡，就無能為力了。

展望台下一層的展示室。

地下「琉球茶屋　なーび屋」買的「サーターアンダーギー」沖繩沙翁，食就幾好食，但好油吓。

第二站原本打算去「座喜味城跡」。今次又被GPS老點，結果去咗十公里外的うるま市安慶名。看見有一間Drugstore MORI的藥妝店，將錯就錯入去行吓。

唔行由自可，行完大家都買到嘢。已經成十一點幾，就直接去另一站「Gala青い海」。

Ocean's Pizza餐廳，薄餅1000円任食。

左上：Pizza食極都有，仲款款不同
右上：沙律都是任食
左中：唔夠仲有3款意粉、咖哩飯
右中：最後上的Dessert pizza，味道好似肉桂批的說
下：每種pizza試一舊，已經有八款咁多，計埋之後的Dessert pizza，食咗成4分之3個pizza，今餐肯定回本！

製鹽體驗要成40分鐘，大熱天時，大家都耍手擰頭。

隔離有製鹽工場（下圖），仲有鹽博物館等。

最實際都喺去試吓鹽味雪榚。

其實食落一啲都唔咸，都幾好食。

之後路經Aquagrace Chapel玻璃教堂，兜入去睇吓。點知車都未停定，已經畀人趕走啦，呢張喺車上偷影的。

第四站「残波岬」，但燈塔整梗，唔入得。

1990年颱風吹上來的大石，真喺信不信由你！

呢個景點流流地，真喺台灣啲燈塔都靚過佢，沖繩無咗藍天白雲喺差啲。

一場暴風雨正來臨，快快上車去下一站。

第五站「琉球村」，嚟到又落大雨，喺室內避一避先！

收費區入口

琉球織布機，真喺有個「古琉球人」喺後面織梗架。

傳統琉球屋

「シーサー」（風獅爺），嚟過沖繩的實見過佢，用嚟辟邪架。

第六站「おんなの駅　なかゆくい市場」

專登嚟就喺為咗食刨冰。店員姐姐好好人，食冰都送四杯熱茶，讚！

呢度仲有個市場，行行吓發現啲手信平過出面，結果大家又買咗不少。

最後一站「ANA InterContinental Manza Beach Resort」，今明兩晚的住處。高級酒店果然喺唔同啲，我哋架車駛到落客處，立即有專人埋嚟處理行李和泊車，之後輕輕鬆鬆行入酒店check-in。

高層海景房，對正「萬座毛」。

浴室和衣帽間，沐浴液、洗頭水護頭髮素全是SHISEIDO的。

攞返行李擺好後，就再揸車出去附近的「元祖海ぶどう本店」食晚飯。

呢間餐飲出名食海葡萄，我個定食除咗海葡萄飯，仲有沖繩烏冬、苦瓜、豬等，一次食晒咁多沖繩特產，真喺飽到上心口，不過出嚟旅行唔理咁多，食咗先算啦。