駕到沖繩 - 第8日：国際通

尋晚行「驚安殿堂」行到好夜，訓到九點幾先落去食酒店自助早餐，今朝仲有我鍾意嘅苦瓜。

食完早餐checkout後就出去，「旭橋」站喺正酒店隔離，超方便的說。

最後一日，車又還咗，就買張「一日乗車券」搭單軌。

搭一個站到「県庁前」，諗住去oHacorte食水果撻。點知太早仲未開門，但現在已經喺十一點了！

食唔到甜品，就轉去国際通。

街上頗冷清，有啲店舖還未開門營業。

自由活動時間，友人要去買熊，我就去搵郵局，打算寄尋晚買的沖繩飾物畀身在袋鼠國的友人。

搵均大半條国際通都唔見有郵局，走入遊客服務中心（下圖）問吓，原來今日是星期日，郵局都休息，職員說可以到便利店買郵票。剛好遊客中心後面有FamilyMart便利店，為怕超重，只好寧多莫少的貼幾排郵票。再問店員借膠紙，將飾物塞進信封，希望不會穿出來。

搞好封信已差不多成點鐘，我哋先去平和通商店街內的「花笠食堂」食午飯。

沿商店街行不久，就會見到花笠食堂的招牌，食堂就在旁邊的小路內。

食堂內的客人全是本地人。

定食大約一千円左右，我點了苦瓜炒蛋炸雞定食，又平又好食。

食完飯，走到位於街尾的郵局，將信寄出，希望它能平安到達友人手上喇！

最後我們到国際通另一邊的「牧志」站，搭單軌回酒店。

牧志站隔離的牧志公園

回酒店攞返行李，再搭單軌去機場。

見到單軌車廠，差不多到機場喇。

那覇空港駅喺「日本最西端の駅」。

車站有行人天穚接駁機場大樓（下圖），非常方便，但只限搭國內線！

國際線大樓（下圖左中）在另一面，兩座大樓之間只有地面的行人路連接，連上蓋也沒有，攞住大包小包行李行過去，如果落起雨嚟都幾麻煩！

今曰離境嘅人好多，等了一大輪先入到禁區。

上機前食返杯沖繩特有的大紅花味軟雪糕先。

仲有散紙可以買沖繩版可口可樂。

我哋班機KA379遲咗半個鐘先起飛，飛機飛過豊崎上空（即是OTS、Outlet那邊）。

沖繩真喺好好玩，八日都玩唔晒，下次有機會一定會再嚟！