駕到沖繩 - 第2日：攻雙城記

起身出露台望望，雨落咗成晚終於停咗，希望今日會好天啦。

一泊二食的早餐

民宿婆婆話首里城多車、泊車貴又麻煩，建議我哋行去，走時才回來民宿攞車。

依家終於睇清楚民宿個樣，由民宿走到首里城公園不用十分鐘。

守礼門

券売所

買入場劵之後，問一問售票員，原來她們這裡就有「日本100名城No.100首里城」的印。

首里城の正殿

書院・鎖之間庭園

正殿内部の玉座

正殿前の御庭

首里城二戰時全毀，後來逐漸修復，依家只喺開放咗一部分，後面仲起梗。

參觀完首里城，揸車去「サンエー西原シティ」，諗住日本車的GPS好先進，結果畀GPS點咗去反方向那霸市新都心嘅住宅區！喺日本，要拉手制落Ｐ波先改得GPS，OK唯有停埋一邊再set過。今次睇清楚地圖先開車，點知去到目的地又miss咗個入口，兜個大圈，要駛入又爛又窄嘅單程鄉村路調頭。

嚟到已經十二點幾，隨便搵間餐廳食個午飯先。每人叫咗一個定食，我的是「沖縄県産豚カツランチ」。

專登嚟呢度就喺為咗呢間GU。GU同Uniqlo喺同一集團，衫褲賣得比Uniqlo仲要平。男裝款式認真麻麻，買唔落手，但友人的女裝就有啲收獲。

商場內仲有San-a百貨公司、無印良品。

Shopping完去中城城跡，到緊張友人試吓喺日本開車啦。

「料金所」買完飛同蓋「No.99中城城」印，立即沿左邊的路上山攻城！

中城城跡

中城城360度全景，廢城加上太平洋，好有置身天空之城的感覺。

城内の拝所

日本仔真喺好有心機，將啲石頭編碼，再續舊續舊砌返原位，真喺大工程。

城前外的一幅草地，勁靚！

攻完兩個城，我就鍾意殘破不堪的「中城城」多過人工化的「首里城」啦。趁天未黑，快快趕往下一個目的地「海中道路」。

海の駅あやはし館，但已經關咗門！

海中道路望向「沖繩本島」

海中道路望向「平安座島」

日落西山，是時候走人。

輪到我開車到美國村，傍晚時分，路上出見「暴走族」，架車居然改到咁都無人捉！

當就駛到美國村的時候，都喺我唔好，喺燈口前入錯線，諗住轉線時，後面有架車突然衝埋嚟，差啲就畀佢撞到，ごめんね。

Vessel Hotel Campana Okinawa到着

我們住5樓的相連房間，樓層低，窗外對正教堂工地，無景可言。

洗面枱、浴室分離，不錯。

晚餐在附近的Rinken's Kitchen食沖繩料理。

上：野菜沙律、黃油烤鮮魚
中：油爆豬腳、什錦燒
下：炒苦瓜、白飯

食完飯，諗住到後面的Aeon（吉豬島）北谷店行吓，得超市仲有開，其他已經收工！

返過來Carnival Park美浜，100 円店仲有開，其他店舖都陸陸續續關門了。

既然無嘢好行，返酒店（Depot Island後面）。