駕到沖繩 - 第1日 (01/6)：新手上路

今次沖繩之旅全由懶熊安排，除咗租車之外，乜都唔洗搞，去到專心做「柴可夫斯基」就得了，yeah！我哋搭嘅港龍KA378泊在41號登機閘，食完早餐行落去隔離就可以上機。

出發時香港仲喺藍天白雲，點知嚟到沖繩就天陰陰，唔通連個天都唔鐘意我。

班機delay，入境時又排咗條慢隊，出到嚟同機的人已經四散，難為OTS位哥哥仔（下圖最左手面）仲要喺到等我哋。

等咗一陣，終於有得上巴士啦！

開車後，職員會一路講解關於租車的事宜，要專心聽書啊。

大約二十分鐘後就會到OTS臨空豊崎営業所。

入到OTS見到一大堆人，我哋分頭行事，我去排隊辦理租車。

友人就去買各景點的入場門票，呢度買有折扣的說。

出發前已經訂好咗一部WB Class的車，基本料金、免責補償料金、安心保，六天費用才50626円。簽好文件，攞埋隻4G WiFi蛋（3000円6天），就出去外面取車。OTS竟然安排咗一部最高級（Premium Class）的Toyota Vellfire畀我哋，簡直喺受寵若驚！

身價成六、七十萬嘅Vellfire，豪華就真喺好豪華啦，但對於我和另一友人呢啲「雪藏牌」嚟講，要揸呢架龐然大物點都有啲壓力，諗完一輪最後都喺放棄咗呢架8號（車牌）仔，要求換車。

可能我哋嚟得晏，所有七人車已經出發，我哋要先等人還車先得。最後等到一架三菱Delica D5四驅車返嚟，呢架都唔差，舊年先新車落地，佢就成為我哋之後一星期嘅座駕啦。

咁樣搞一搞已經六點八，我哋仲約咗民宿七點食晚飯，廢話少說，出発！

小弟第一次揸footbrake（腳handbrake）車，結果都遲咗十五分鐘，安全抵達民宿。友人立即入去say sorry，我和另一友人就研究點泊門外呢個騎呢位，車頭差幾吋就黐牆，真喺泊到一額汗。

「沖縄家庭料理の宿　なかはら」地下的入口和飯廳。

晩ご飯準備中

晚餐男女有別，男的會多幾舊肉的。
いただきます

二樓的客廳

頂樓的402号室，我的睡房。

房外的街景，沿路走上去就會到首里城。

食完飯大家本想出去走走，到附近的Lawson便利店，點知越行越大雨，另一友人和我先後打退堂鼓，回去抖抖。

以下呢幅首里城夜景是由其餘兩位友人提供，お疲れ様でした。